Oltin quymalarni xarid qilish uzoq muddatli jamg‘arma va kapitalni saqlashning ishonchli usuli bo‘lib, bir qator muhim afzalliklarga ega:

999,9 probali oltin quymalar 10, 20, 50 va 100 gramm og‘irliklarda maxsus himoya qadoqlarida sotuvga taklif etiladi. Oltin quyma qadog‘i sertifikat vazifasini bajaradi va o‘zining seriya raqamiga ega bo‘ladi.

Oltin quymalarning sotish va qaytarib sotib olish narxlari oltinning jahon bozoridagi narxi va Markaziy bank tomonidan belgilangan marja yoki chegirma asosida shakllanadi va har kuni bankning veb-saytida milliy valyutada eʼlon qilib boriladi.

Qadoqlari but bo‘lgan oltin quymalar savdo nuqtalarida bank tomonidan qayta sotib olinib, puli darhol quyma egasiga to‘lab beriladi.

Texnik ekspertiza o‘tkazish zarurati yuzaga kelgan hollarda, qayta sotib olish uchun topshirilgan oltin quymalar bo‘yicha jismoniy shaxs yoki yuridik shaxs vakilining shaxsini tasdiqlovchi hujjat asosida dalolatnoma rasmiylashtiriladi. To‘lov esa texnik ekspertiza xulosasi olingandan so‘ng amalga oshiriladi.

Oltin quymalarni faqat Markaziy savdo ofisidan xarid qilish mumkin. Manzil: Toshkent shahri, Sodiq Azimov ko‘chasi, 77-uy. Batafsil ma’lumotni 1881 raqami orqali olishingiz mumkin.